لااله الا الله محمد رسول الله
+=+=+=+=+=+=+=+=+
لما تدخل الصراف وتسحب كاش - نقدا - فلوس - ويسالك الصراف هل تريد الحصول على ايصال للعملية
تقوم وبكل ثقة تضغط (نعم).
وتطلع الفلوس وتاخذها ويطلع الايصال وتسحبه (وترميه في الارض)
هذا وش معناااااه؟؟
على بلاطه : غير حضري
***************
لما الناس واقفين عند الاشارة قبل خط المشاة وتجي حضرتك من جهة اليمين وتوقف قدام الكل وفوق خط المشاة واحيانا بعده
هذا وش معنااااااااااااه؟؟
على بلاطه : انت متخلف.
***************
لما تاخذ عيالك لمطعم وتجلس على الطاولة تطلب وتترك عيالك تسرح وتمرح في المطعم وتزعج الناس الرايقة اللي جاية تغير جو وانت كانك ما تعرفهم ولا كأنهم عيالك
هذا وش معنااااااااااه؟؟
على بلاطه: ما عندك شخصيه ولا تعرف تربي.
***************
لما تكون معزووم ولا طالع السوق تلبس اكشخ ثيابك وتتعطر احسن عطر لكن لما تروح الصلاة تلبس ثوب النوم وشعرك منكوش وريحتك الله اعلم فيها
هذا وش معناااااااااااااه ؟؟
على بلاطه:الناس تهمك اكثر من الله عز وجل
***************
لما تلبسين عبايه مخصرة والعطر ريحته من بعد كيلو وفي المحل ضحكتك لاخر الشارع مع البياع
هذا وش معناااااااااااااه ؟؟
على بلاطه:قليلة حيا وقلة تربيه
***************
لما ينهزم فريقك اللي تشجعه وتصير طول الوقت قافلة معاك تروح البيت وتخانق اهلك وتروح العمل مقفلة معاك لا احد يكلمني وتضارب العالم بالشارع.
هذا وش معنااااااااااه؟
على بلاطه:عقلك صغير
***************
لما تعامل الناس وخصوصا العماله بتعالي وتكبر وشوفة نفس
هذا وش معنااااااااااااه؟
على بلاطه : قال عنك رسول الله صلى الله عليه وسلم
لايدخل الجنة من كان في قلبه مثقال ذرة من كبر.
***************
لما تدخل هالموضوع وتقرأ وتخرج من دون رد
هذا وش معنااااااااااه؟
على بلاطه:أنت بخيل
+=+=+=+=+=+=+=+=+
عااااااااد ما تزعلون مني تراااااااا هذااااااااااا على بلاااااااااااااااطه
بالتوفيق
الخميس 10 فبراير 2011, 6:53 am من طرف 
