الطيحة الي تعلمني بشيً جديد
أحبهآكثرحبي للأمل والنجاح
والطقه اللي بتعليمه تزيد الرصيد
وغلطان من كانت الطيحه تزيده جراح
وقناعتي إن قلبي قلب مآهو حديد
تجبر عزآي ان تعرًض خافقي للرماح
هذا هو الفرق مابيني وبين البليد
اني بعد كل طيحه استمدً الفلاح
ودام ان حزني على شيً مضى مايفيد
(( قلت التجارب تفيد ....ولايفيد الصياح ))
وانا مثل ماخسرتك يا بو قلبن عنيد
كسبت غيرك وجيهن تستحق الكفاح
وش له اعاتب على فرقاك واشرح وازيد !!
وسنينك سنين وايامك دهورٍشحاح !!
يكفي تعلمُت كيف الثلج خان الجليد
لخيوط شمس المفارق لين ذوًب وطاح
وان الخيانه سرت بالناس مسرى الوريد
وان الغزل مايدل الا القلوب الصحًاح
وصحيح انا طحت قدامك ولاني وحيد
لكن تعلمًت مما صار كيف النجاح
بالتوفيق
الخميس 10 فبراير 2011, 6:53 am من طرف 
